Ang Northern Mindanao, Philippines, maoy usa sa libolibong mga dapit sa tibuok kalibotan nga makadawat karong Nobyembre sa makapahupayng mensahe sa paglaom samtang ipahigayon sa mga Saksi ni Jehova ang usa ka espesyal nga kampanya nga magpokus sa paglaom sa Bibliya alang sa mas maayong kalibotan. Sa maong kampanya, ipanagtag ang espesyal nga edisyon sa magasing Ang Bantayanang Torre nga may tema, “Duol na ang mas Maayong Kalibotan.”
Kapin sa 36 milyones ka inimprentang kopya sa maong magasin ang ipanagtag sa mga 230 ka pinulongan ngadto sa mga komunidad sa 240 ka nasod sa tibuok kalibotan. Dugang pa, ang maong magasin mabatonan sa lainlaing digital format sa duolag 400 ka pinulongan.
“Ang mga tawo nangandoy nga makadungog ug makapahupayng mensahe ug kini mao ang pinakamaayong balita nga ilang madunggan,” matod ni Leynard Rodulfa, spokesman sa mga Saksi ni Jehova sa Pilipinas. “Ang mas maayong kalibotan dili damgo lang, kini seguradong matuman. Gani, kini ang pangunang tema sa ebanghelyo ni Jesus.”
Mabasa sa maong magasin ang tubag sa komon kaayong pangutana, Matapos ba kining kalibotana? Ang makapahupayng tubag sa Bibliya seguradong makasorpresa sa daghang magbabasa. Samtang ang ubang mga relihiyon nagtagna ug “kataposan sa kalibotan,” ang maong magasin nagbutyag sa tin-awng mensahe sa Bibliya: Ang yuta magpabilin hangtod sa hangtod ug kini dili gyod malaglag! Gipatin-aw sab sa maong magasin ang saad sa Bibliya nga matapos ang mga inhustisya dihang kini nagkutlo sa basahon sa Salmo diin kini nag-ingon nga sa umaabot ang mga daotan mawala na ug dili na makapahinabog pag-antos sa yuta.—Salmo 37:10.
Kini nga makapahupayng mensahe nakahatag ug paglaom sa minilyong mga tawo sa tibuok kalibotan kinsa nagaampo nga moabot na unta ang Gingharian sa Diyos. Si Mr. Russel Bautista maoy usa ka lider sa gang niadtong batan-on pa siya. Siya nagdroga, daghag bisyo, nalangkit sa mga rayot, daghag babaye, ug napriso. Pero, nausab ang iyang kinabuhi dihang iyang nakat-onan ang mensahe sa Gingharian sa Diyos. “Dulom pa sa alkitran ang akong kinabuhi,” siya miingon, “pero ang paglaom nga makapuyo ko sa paraisong yuta nakapalipay nako, nga naglamdag nako sa maayong mga butang sa kinabuhi.” Karon, maayo na ang pagkinabuhi ni Mr. Bautista ug siya aktibong nakigbahin niini nga kampanya aron matabangan sab ang uban nga magmalipayon. Siya miingon: “Daghang tawo ang naa sa kangitngit, ug gusto nakong pahimuslan ang kahigayonan sa pagpaambit sa kamatuoran nga makabag-o nila, sama sa akong nasinatian.”
Ang magasin nga Ang Bantayanang Torre nagamantala sa mensahe sa Gingharian sulod na sa kapig 100 ka tuig ug kini padayong nailhan ingong ang pinakadaghag nahubad ug napanagtag sa tibuok kalibotan. Ang magasin nga Ang Bantayanang Torre libreng ma-download sa jw.org. Puwede sab kang mo-request ug libreng kopya sa usa sa mga Saksi ni Jehova pinaagi sa pagbisita sa jw.org ug pag-click sa “Hangyo nga Magpaduaw.” (PR)
Alang sa dugang impormasyon, palihog tawagi ang Office of Public Information: 3224-4405
I-click ang link sa ubos aron ma-access ang online version sa magasin:
https://www.jw.org/finder?wtlocale=CV&issue=2021-05&pub=wp21&srcid=share
