PANGANGKON: Usa ka artikulo nga nag-ulohan og “Nabigla? Radio host sinabing wala alam ni Tulfo na darating si Robredo sa iyang opisina (Nasurprisa? Radio host miingon nga si Tulfo wala makahibalo nga si Robredo mobisita sa iyang opisina)” gi-post sa usa ka website nga gitawag og Daily BNC News niadtong Agosto 27. Gigamit niini ang Facebook post sa Ang blogger nga si Mark Lopez isip reperensiya sa pagtaho nga si kanhi Bise Presidente Leni Robredo nisulod sa buhatan ni Department of Social Welfare and Development (DSWD) Secretary Erwin Tulfo – sans appointment.
Ang post, diin gibase ang taho, nag-ingon nga usa ka "MADUMB" ang mibisita sa opisina sa DSWD nga "unnounced and without appointment", nga nakadakop kang Tulfo "off guard and cornered". Giangkon pa niini nga ang maong personalidad nagdala og photographer aron magpakuha og hulagway sa maong panagtagbo.
MARKA: NAGPAHISALAAG
ANG KAMATUORAN: Walay basehanan ang mga pangangkon ni Mark Lopez. Samtang nahitabo gyud ang tigom, walay lig-ong ebidensiya nga makapamatuod nga gikorner ni Robredo si Tulfo.
Ang kalihim sa DSWD mao usab ang unang nag-post sa Facebook bahin sa iyang pagpakigkita kang Robredo, nga gipaambit pipila ka minuto sa Facebook page sa Angat Buhay.
“Nagprisinta si Mrs. Robredo na tutulong ang kanilang volunteers sa mga probinsya sa pagbigay ng agarang impormasyon sa DSWD hinggil sa mga lugar na tinamaan ng kalamidad para mahatiran agad ng ayuda,” sulat ni Tulfo saiyahang Facebook.
Si Robredo, uban sa Angat Buhay executive director Raffy Magno, nakigtagbo kang Tulfo aron hisgutan ang ilang mga programa ug uban pang posibleng punto alang sa koordinasyon sa DSWD.
Sa usa ka tweet, gitawag ni Robredo ang bakak nga pag-angkon. Matod niya nagsulat sila og sulat ngadto kang Tulfo nga nangayo og courtesy visit. “The OSEC staff got in touch with us and gave us a schedule. I went with Angat Buhay ED Raffy Magno. Not one photographer from us.”
Siya midugang: “The only photographer present was the DSWD photographer. We just shared Sec Erwin Tulfo’s Facebook post. Stop spreading fake news.”
Human sa pagkanaog isip Bise Presidente sa katapusan sa iyang termino niadtong Hunyo, si Robredo ang nanguna sa Angat Buhay NGO, nga nagtumong sa pagpadayon sa pipila ka mga programa nga gipasiugdahan sa iyang opisina sa milabay nga unom ka tuig.
Sa una nga pakighinabi, gipaambit ni Tulfo ang iyang katuyoan nga magtrabaho sa Angat Buhay. “Ang pagtulong po kasi walang kulay, hindi ho red, hindi ho pink… Dapat colorless po ‘yan para wala kang nakikita di ho ba. Malaking tulong ho iyan, ‘yang Angat Buhay na ‘yan,” ingon niya.
Sa pagsulat niini, ang Facebook post nga gisuwat ni Lopez aduna nay 7,700 ka mga reaksyon, 1,200 ka komento, ug 584 ka shares.
Kini nga artikulo gihubad sa bisaya sa Mindanao Gold Star Daily gikan sa fact check sa Davao Today ug gipatik kini ni adtong Agusto 31 karon tuiga. Ania ang orihinal nga link: http://davaotoday.com/main/politics/fact-check-claim-that-former-vp-robredo-visited-sec-tulfos-office-sans-appointment-is-misleading/
(Ang Mindanao Gold Star Daily kabahin sa kapin sa 100 ka organisasyon online nga inisyatiba gikan sa media, coalitions, civil society, business, academe, law, ug ang religious sector nga gitawag og '#FactsFirstPH.' Ang inisyatiba nagtumong sa hiniusang pagduso sa kamatuoran ug ang pag-debunking gipasukad sa upat ka lakang: pagsusi sa kamatuoran sa mga organisasyon sa balita; networking sa civil society ug grassroots groups; panukiduki ug pagtuki sa mga institusyong pang-akademiko; ug pagpangita og tulubagon sa mga grupo sa mga abogado.)
