PANGANGKON: Usa ka Facebook video sa NDMstudios nagsugyot nga ang nag-trending nga litrato gikan sa probinsya sa Pampanga nga nagpakita sa mga estudyante sa grade school ug ilang magtutudlo nga naggugol sa unang adlaw sa face-to-face nga klase sa usa ka baha nga classroom niadtong Agosto 22 mahimong usa lamang ka “propaganda” batok kang Bise Presidente Sara Duterte.
Nagpakita sa “Political Reflections by NjeldeMesa” nga video nga gi-upload niadtong Agosto 25 mao si Njel de Mesa, usa ka musician-producer kinsa kabahin usab sa electoral campaign ni VP Duterte.
Matud pa niya: “Nag-message ang isa kong kaibigan na kilala, nagsusumbong patungkol sa larawang ito. Sabi raw ng kaibigan niyang guro na taga Macabebe, Pampanga, naatasan silang magkaroon ng photo op nitong mga batang mag-aaral na nasa bahaan bilang protesta at para na rin makakuha ng simpatya mula sa taong bayan.”
Si De Mesa nisugyot nga kon tinuod ang maong pangangkon, ang tunghaan “must be investigated to know who’s behind it”.
Si VP Duterte usab ang kasamtangang Education Secretary. Si De Mesa mipadayon sa pag-swipe kang kanhi Bise Presidente Leni Robredo.
Kaniadtong Agosto 30, ang iyang video natipon sa kapin sa 16K nga reaksyon, 1.9K komento, ug 245K pagtan-aw. Ang iyang segment adunay 253.8K followers.
MARKA: Nagpahisalaag
ANG KAMATUORAN: Ang viral nga litrato maoy usa sa mga eksena atol sa unang adlaw sa in-person nga klase niadtong Agosto 22 sa usa ka gibahaan nga eskwelahan tungod sa pagtaas sa tubig sa lungsod sa Macabebe, Pampanga. Ang litrato gikuha sa freelance photojournalist nga si Lisa Marie David alang sa internasyonal nga ahensya sa balita, Reuters.
Sa taho sa Reuters, ang ubang mga estudyante kinahanglang mosakay sa mga barko paingon sa eskuylahan nianang adlawa.
Ang local news channel, CLTV 36, nitaho usab sa datus gikan sa Municipal Disaster Risk Reduction Management Office sa Macabebe nga ang tanang publikong elementarya ug sekondarya nga mga tunghaan bag-o lang naapektuhan sa baha tungod sa Severe Tropical Storm Florita (Ma On) ug high tide.
Ila usab nga gikahinabi si Macabebe Mayor Leonardo “Bobong” Flores, kinsa niila sa panginahanglan sa pagsulbad sa subsob nga pagbaha sa ilang lungsod.
Ug samtang si VP Duterte mihimo og pamahayag nga ang pagbalik sa in-person nga klase sa Agosto 22 usa ka "kadaogan", ang mga kasinatian ug mga hagit sa mga estudyante nga makita sa Macabebe atol sa pagbukas sa mga klase kinahanglan gihapon nga ilhon.
Kini nga artikulo gihubad sa bisaya sa Mindanao Gold Star Daily gikan sa fact check sa Davao Today ug gipatik kini ni adtong Agusto 31 karon tuiga. Ania ang orihinal nga link: http://davaotoday.com/main/politics/fact-check-fb-page-falsely-claims-kabataan-partylist-supports-rotc-revival/
(Ang Mindanao Gold Star Daily kabahin sa kapin sa 100 ka organisasyon online nga inisyatiba gikan sa media, coalitions, civil society, business, academe, law, ug ang religious sector nga gitawag og '#FactsFirstPH.' Ang inisyatiba nagtumong sa hiniusang pagduso sa kamatuoran ug ang pag-debunking gipasukad sa upat ka lakang: pagsusi sa kamatuoran sa mga organisasyon sa balita; networking sa civil society ug grassroots groups; panukiduki ug pagtuki sa mga institusyong pang-akademiko; ug pagpangita og tulubagon sa mga grupo sa mga abogado.)
