Wala moingon si Presidente Rodrigo Duterte nga makiggubat ang Pilipinas sa krisis tali sa Russia ug Ukraine, sukwahi sa giingon sa YouTube channel nga "MJ Journals".
Gigamit sa maong YouTube channel ang orihinal nga UNTV news report nga gisibya niadtong Marso 1, gikan sa "Talk to the People" address ni Duterte. Dinhi, gipahibawo sa Presidente nga mopatawag siya og special meeting sa gabinete aron maandam ang nasud sa posibleng epekto sa nasangpit nga krisis ilabi na sa ekonomiya.
Apan gi-patungan sa "MJ Journals" ang orihinal nga video sa report sa lain-laing mga litrato ni Duterte, ug gidugangan og malimbungon ug "clickbait" nga titulo ug text.
Niadtong Marso 6, gi-upload sa “MJ Journals” ang gidoktor nga video nga giulohan usab og “BADNEWS! PILIPINAS, SASABAK SA GIYERA KONTRA RUSSIA!! PRES. DUTERTE ANNOUNCEMENT!”
Gawas niini nga video, duha ka beses pa nga gi-post sa “MJ Journals” ang maong video, nga ang tanan gitabonan usab sa uban pang malimbungon nga mga titulo ug teksto.
MAO KINI ANG MOSUNOD:
“ANNOUNCEMENT: PRES. DUTERTE, PINAGHAHANDAAN NA ANG GIYERA SA RUSSIA-UKRAINE!”
“ANNOUNCEMENT! PRES. DUTERTE, NAGHAHANDA NA PARA SA POSIBLENG GIYERA!”
Kon imong tan-awon ang orihinal nga video gikan sa YouTube Channel sa UNTV News and Rescue, wa moingon si Duterte nga makiggubat ang Pilipinas.
Niingon hinuon ang Malacañang nga way kaayohan makuha ang gubat.
"Among gisubli ang baruganan sa Pilipinas nga ang gubat walay kapuslanan ni bisan kinsa, ug nga kini nagpahamtang ug usa ka trahedya, duguong kapildihan sa kinabuhi sa mga inosenteng lalaki, babaye, ug mga bata sa mga dapit sa panagbangi," matud pa ni Cabinet Secretary Karlo Nograles, kinsa maoy acting spokesman ni Duterte.
("We reiterate the position of the Philippines that war benefits no one, and that it exacts a tragic, bloody toll on the lives of innocent men, women, and children in the areas of conflict," sabi ni Cabinet Secretary Karlo Nograles, na siyang acting spokesman ni Duterte.)
Kaniadtong Biyernes, si Duterte miingon usab nga ang nasud magpabilin nga neutral sa pagkakaron, bisan kung moabut ang panahon nga kini mosandig sa usa ka bahin. Niadtong Pebrero 24, gisulong sa Russia ang Urkaine, nga giubanan sa kadaghanan sa mga estado nga miyembro sa United Nations, lakip ang Pilipinas.
"Para sakoa, nagpabilin kami nga neyutral apan ang kamatuoran nagsulti kanako nga sa katapusan, kailangan ra-gihapon ta mamili kong asa ta mo panig. Siyempre nahibal-an ko nga ang sentimento nga nagpatigbabaw halos sa tibuok nasud," Matud ni Duterte sa iyang pakigpulong sa Narvacan, Ilocos Sur.
("Ako naman, we stay neutral but reality tells me that in the end, we'll just have to select which side we would be. Of course I know that the sentiment prevailing almost throughout the country," ani Duterte sa isang talumpati sa Narvacan, Ilocos Sur.)
dili sekreto sa publiko ang pagdayeg ni Duterte kang Russian President Vladimir Putin nga makapila na niya makauban sa tigom.
Kaduha na usab nga gi-fact check sa ABS-CBN ang maong YouTube channel.
Karon, kini nga channel sa YouTube adunay 233,000 nga mga subscriber. - uban sa panukiduki gikan ni Ann Charrize Calusa, ABS-CBN Investigative and Research Group
Kini nga artikulo gihubad sa bisaya sa Mindanao Gold Star Daily gikan sa fact check sa ABS-CBN Investigative and Research Group kauban ang panukiduki gikan ni Ann Charrize Calusa sa maong ahensiya ug ug gipatik kini ni adtong Marso 7 karon tuiga.
(The Mindanao Gold Star Daily is part of the more than 100 organizations online initiative from media, coalitions, civil society, business, academe, law, and the religious sector called ‘#FactsFirstPH.’ The initiative aims to collectively push for truth-telling and debunking lies through four steps: fact-checking by news organizations; networking by civil society and grassroots groups; research and analysis by academic institutions; and seeking accountability by lawyers’ groups.)
