PANGANGKON: Gidala ni kanhi diktador Marcos Sr. demokrasya, kagawasan, ug hustisya sa panahon sa iyang termino
MARKA: Bakak
Ang YouTube channel ni Dante Maravillas nga "Dante Talks" bag-o lang nag-upload og video diin iyang gituki ang iyang giingon nga "matinding rebelasyon ni Ms. Marcos” sa usa ka pakighinabi sa Daily Tribune.
Ang kanunay nga sulod niini nga channel kasagaran pro-Marcos.
Sa 15:19 timestamp sa video, gipasabot ni Maravillas nga sa unang paglingkod isip presidente si Ferdinand Marcos Sr. mao ang " walang hustisya at demokrasya" sa nasud.
Dugang pa niya nga ang kanhi diktador ang nagdala sa demokrasya, kagawasan, ug hustisya sa tanang Pilipino nga sumala pa niya, naulipon sa mga oligarkiya sulod sa mga dekada.
ANG KAMATUORAN: Sumala sa Committee to Protect Journalists, ang media sa Pilipinas daling nakakuha sa reputasyon isip "the freest press in Asia" niadtong dekada 1950s, pipila ka tuig human ang Estados Unidos naghatag ug kagawasan sa nasud, diin daghang mga Pilipinong peryodista ang nagsugod sa pagpahigayon investigative work, journalism aron ibutyag ang korapsyon sulod sa gobyerno.
Dinhi lang mapamatud-an nga dili tinuod ang video statement nga si Marcos Sr. nagdala sa “democracy, freedom, and justice.”
Samtang, nagkauyon sab ang lain-laing mga historyano ug analista nga misamot ang kahimtang sa demokrasya ug kagawasan sa pagsulti atol sa termino sa kanhi diktador. Daghang mga institusyon sa media, lakip ang ABS-CBN, gipunting ug gikontrol. Gidakop usab ang mga inilang tigbalita ug tag-iya sa media nga sila si Teodoro Locsin Sr., magmamantala sa Philippines Free Press, ug ang magmamantala sa Manila Times nga si Chino Roces. Daghang kaso sa harasment ug torture sa mga peryodista ang natala sa termino ni Marcos Sr. isip presidente.
NGANONG IMPORTANTE: Ang YouTube account ni Dante Maravillas adunay kapin sa 150k subscribers. Sa pagsulat, ang video adunay 186,000 usab nga pagtan-aw, 11,000 nga gusto, ug 989 nga mga komento. – Cheska Carpio sa Altermidya
Kini nga artikulo gihubad sa bisaya ni Dave Achondo sa Mindanao Gold Star Daily gikan sa fact check ni Cheska Carpio sa Altermidya ug gipatik kini ni adtong Agusto 4 karon tuiga. Ania ang orihinal nga link: https://www.altermidya.net/fact-check-late-dictator-marcos-sr-brought-democracy-freedom-and-justice-during-his-term/
(Ang Mindanao Gold Star Daily kabahin sa kapin sa 100 ka organisasyon online nga inisyatiba gikan sa media, coalitions, civil society, business, academe, law, ug ang religious sector nga gitawag og '#FactsFirstPH.' Ang inisyatiba nagtumong sa hiniusang pagduso sa kamatuoran ug ang pag-debunking gipasukad sa upat ka lakang: pagsusi sa kamatuoran sa mga organisasyon sa balita; networking sa civil society ug grassroots groups; panukiduki ug pagtuki sa mga institusyong pang-akademiko; ug pagpangita og tulubagon sa mga grupo sa mga abogado.)
