BAKAK: Sayop ang pangangkon ni Pacquiao nga ang sekswal nga pagtugot depende sa indibidwal bisag unsa pay edad

Ang kandidato sa pagka-presidente nga si Senator Manny Pacquiao nagtuo nga ang paghatag og sekswal nga pagtugot mag-depende na sa desisyon sa usa ka indibiduwal bisan unsa pa ang edad.

Ang iyang pamahayag bakak ug problemado.

PANGANGKON: Si Pacquiao, ang standard-bearer sa Probinsya Muna Development Initiative, gihangyo sa pagkomento sa bag-o lang napasar nga balaod nga nagpataas sa edad sa sekswal nga pagtugot gikan sa 12 ngadto sa 16.

“Depende naman ‘yan kung ginusto ng tao o ginusto ng bata, unless kung pinilit,” matod ni Pacquiao sa usa ka campaign event sa Pampanga niadtong Martes.

Ang eight-division world boxing champion nikutlo sa kaso sa iyang igsuong babaye nga naminyo sa 14 anyos. Giangkon usab niya nga ang mga batan-on mahimong mas mabuot karon tungod sa ilang access sa impormasyon. Apan iyang giklaro nga wala niya gidasig ang mga batan-on nga magminyo sa sayong pangedaron.

“Noong unang panahon, kapag 16 years old ka, naive ka pa sa outside information, pero ngayon kahit 15 years old or 16 years old ka, ‘yung tao, dahil sa technology, marami nang kaalaman. So, kahit 14 years old nga marami na silang alam sa buhay,” dugang ni Pacquiao, nga usa ka debotadong Kristiyano.

KATEGORYA: Bakak

KAMATUORAN: Ang mga sekswal nga kalihokan uban sa mga bata nga ubos sa 16 anyos mahimong kuwalipikado isip pagpanglugos bisan kon ang nakasala moangkon nga nakakuha og pagtugot, sumala sa Republic Act 11648 nga gipirmahan niadtong Marso 4, nga nag-amendar sa Anti-Rape Act of 1997 ug sa Revised Penal Code. Giisip kini nga usa ka dako nga kadaugan sa mga organisasyon sa adbokasiya.

Si Pacquiao usa sa mga senador nga mibotar pabor sa maong lakang niadtong Septiyembre.

Sa wala pa kini, ang edad sa nasud sa pag-uyon sa sekso 12, ang labing ubos sa Asya ug usa sa labing ubos sa kalibutan, sumala sa United Nations Children's Fund (UNICEF).

Sa usa ka policy briefer nga gihimo sa UNICEF, giingon nga ang orihinal nga edad sa pagtugot sa Pilipinas problema tungod kay ang pisikal ug emosyonal nga pagkahamtong sa mga tin-edyer wala pa molambo.

“The part of a child’s brain that processes his or her understanding of the consequences of his or her decisions has not yet developed at 12, and in fact, continues to develop at 18. Therefore, setting 12 as the age of consent to sex goes against scientific evidence,” read the document, which was aided by the Philippine Legislators’ Committee on Population and Development Foundation, Inc.

Gidayeg sa UNICEF ang Pilipinas sa kataposang pagpataas sa edad sa pagtugot ngadto sa disisais anyos human sa usa ka taas nga lehislatibo nga krusada, nag-ingon nga “ang balaod karon naglakip sa usa ka mas lig-on nga pagpanalipod sa bata legal nga gambalay.” (“the law now includes a more robust child protection legal framework.”)

NGANONG IMPORTANTE KINI:

Ang pamahayag ni Pacquiao, kinsa adunay minilyon nga fans, gisibya sa episode sa Frontline Pilipinas niadtong Marso 8, nga nakakuha og kapin sa 27,000 ka views sa Facebook ug kapin sa 13,600 ka views sa YouTube.

Si Pacquiao, kinsa kasagarang mosuporta sa mga tudling gikan sa Bibliya aron pakamatarungon ang iyang pagtuo, adunay duha ka mga anak nga babaye nga nag-edad ug 15 ug 13.

Kaniadtong 2019, niingon usab siya nga uyon siya sa pagpaubos sa edad sa kriminalidad ngadto sa 12 tungod kay, sumala pa, hingpit na silang nakahibalo sa ilang mga aksyon.

“Eleven years old, naghahanapbuhay na ako. Ako na bumubuhay sa mama ko, sa mga kapatid ko. Ako na nag-iisip, ako na nagba-budget ng pera. May pag-iisip na. May knowledge na ‘yun (12 years old), believe me,” matod ni Pacquiao sa interbyu sa ABS-CBN News Channel.

Kini nga artikulo gihubad sa bisaya sa Mindanao Gold Star Daily gikan sa fact check sa News5 Digital ug gipatik kini ni adtong Marso 11 karon tuiga.

(The Mindanao Gold Star Daily is part of the more than 100 organizations online initiative from media, coalitions, civil society, business, academe, law, and the religious sector called ‘#FactsFirstPH.’

The initiative aims to collectively push for truth-telling and debunking lies through four steps: fact-checking by news organizations; networking by civil society and grassroots groups; research and analysis by academic institutions; and seeking accountability by lawyers’ groups.)