Pag-angkon: Galunggong (Decapterus macrosoma) ang pinakasayon nga isda sanayon
Kategorya: BAKAK
Kamatuoran: Ang pagsanay sa galunggong naa pa sa pinakaunang hugna sa pag eksperimento
Nganong gisugid kini: Adtong Marso 8 nga pagpakighinabi sa dzRJ kang Ferdinand ‘Bongbong’ Marcos, Jr., kandidato pagka Presidente, miangkon nga ang galunggong mao ang pinaka sayon nga isda sanayon. Nagpagawas og video sa interbyu ug quote card nga mikutlo sa gisulti ni Marcos ang Philippine Star sa ilang Facebook account. Ang naasoy nga video adunay kasamtangang 1,500 ka reaksyon, 671 ka komento, ug 19,000 nakatan-aw. Ang quote card nakadawat na og kapin 19,000 ka reaksyon, 6,600 ka komento, ug napasa 3,800 ka beses.
Kumpletong detalye
Sa panahon sa dzRJ presidential interview adtong Marso 8, ang sangay sa diktador ug gadagan pagka presidente Ferdinand Marcos, Jr., nag saysay nga dili siya makatuo nga ang nasud naga angkat og galunggong sa laing nasud.
“Dili ko makatuo nga naga angkat pa gihapon kita og galunggong. Giunsa pagka ingon ani? Nia kita sa nasud nga kapupud-an. Pinakasayon sanayon ang galunggong. Di ba para man kana sa mga pobre? Makuha kana bisan asa, nganong naga angkat man ‘ta,” matod pa sa standard bearer sa UniTeam.
(“I cannot still believe that we are importing galunggong. How is this possible? We occupy, we are an archipelagic country. Ang pinakamadaling alagaan ay galunggong. Hindi ba pangmahirap nga dapat ‘yan? You can get that anywhere, di ba, tapos nag-i-import tayo,” said the UniTeam’s standard bearer.)
Sa kasamtangan, ang video adunay kapin sa 4,200 ka reaksyon, 1,100 ka komento, ug 56,000 nakatan-aw. Samtang, ang quote card napasa ika 6,900, 33,000 ka reaksyon, ug 10,000 ka komento.
Kini nga pag angkon usa ka bakak.
Ang pagpasanay sa galunggong kay naa pa sa pinaka unang hugna sa pag eksperimento, matod pa sa usa ka artikulo sa website sa Department of Agriculture karong bulana.
Ang Southeast Asian Fisheries Development Center-Aquaculture Department (SEAFDEC-AQD) bag-ohay pa lang milampos sa pagpangitlog sa galunggong nga dinakpan, kini gi ila nga pinaka unsa sa tibuok kalibutan. Ang mga tigduki-duki kay nagadugang pa’g tuon sa pagpalambo sa galunggong, ang iyang pamaagi sa pagkaon, mga proseso sa pagpasanay, ug kun pwede ba kini sanayon nga nakahawla sa dagat. Kini nga pagtuon tipik sa proyekto nga gipundohan sa Japan arun mapalambo ang teknolohika sa aquaculture para sa mga bag-ong klaseng isda, apil na niining ang mackerel tuna ug flathead lobster.
Si SEAFDEC-AQD chief Dan Baliao nakutlo sa naasoy nga artikulo nga bag-ohay pa lang sila nagasugod sa teknolohiya sa pagpasanay sa galunggong.
Adtong 2021, naka dakop og 180,173 ka toneladang galunggong gikan sa komersyal nga pangpangisda ug sa kadagatan sa munisipyo. Nagkantidad kini sa P14.780 million. Sa Enero karong tuiga, ang DA giaprubahan ang pag angkat og galunggong tungod sa kakulangon sa galunggong nga mukabat sa 119,000 ka tonelada.
(Hinubad ngadto sa Binisaya sa Mindanao Gold Star Daily kini gikan sa fact check ni Sherwin de Vera sa Rappler.com)
