BAKAK: Naa bay P10,000 nga ayuda para sa mga nagparehistro sa National ID?

Pangangkon: Makatatanggap nga ba nga P10,000 ang mga magparehistro sa National ID?

Marka: BAKAK

Dili tinuod nga ang mga magparehistro sa PHILSYS makadawat og Landbank ATM nga anaay P10,000 nga hinabang sa sulod niini. Ang pahibalo gi-post sa usa ka peke nga Facebook page nga nagpakaaron-ingnon nga gipanag-iya sa DSWD.

Sumala sa Republic Act No.  11055 o ang PhilSys Act, dili ang Department of Social Welfare and Development (DSWD) kon dili ang Philippine Statistics Authority (PSA) ang nagdumala sa National ID registration.

 (b) The PhilSys Registry. - The PSA, as repository and custodian of all data shall create and maintain a PhilSys Registry that will contain the PSN, registered records, and information of all persons registered in the PhilSys.

Enero 2021 dihang nagsugod ang PSA sa pagtrabaho sa Landbank, aron mahatagan og “Mastercard Prepaid Card” ang mga nagparehistro, nga magamit sa pag-withdraw og kuwarta sa mga ATM.

Atong Nobyembre  6, nag-post ang usa ka Facebook page gamit ang pangalan ug logo sa DSWD nga makadawat og hinabang ang mga magparehistro sa National ID.

Sa nasangpit nga post, giingong kinahanglan nga magparehistro sa usa ka website aron makadawat og P10,000 nga hinabang sa Landbank ATM account nga gihatag sa PHILSYS.

Ang PSA nagpagawas ug opisyal nga pahayag sa ilang opisyal nga Facebook page.  Matod sa PSA, kadtong magparehistro sa mga kiosk sa registration centers mahimong makaabli og account sa Landbank isip kabahin sa ilang partnership.  Apan ilang giklaro, walay sulod ang mga prepaid cards nga ilang gipang-apod-apod.

Ang Landbank nipagawas usab og pamahayag nga nag-ingon nga libre ang pag-abli og account apan dili kini makatabang.  Matud pa sa ilang pamahayag nga gibahaan ang ilang mga registration centers tungod sa pagkaylap sa mga balita online.

Sugod sa Disyembre 10, kapin sa singkwenta ka milyon (50,014,382) ka Pilipino ang nakarehistro sa ilang National ID base sa datos sa PSA.  Dul-an sa pito ka milyon (6,786,939) ang nakaproseso sa ilang mga bank account sa PhilSys registration centers.

Hangtod karon, aktibo gihapon ang peke nga Facebook page sa DSWD.  Pahimangno sa mga ahensya sa gobyerno, ayaw dayon pagtuo sa makita sa social media.

Karong bag-o, ang DSWD nipagawas og laing pasidaan batok sa mga nagpakatap og bakak nga impormasyon ug dili tinuod nga representasyon sa pagparehistro sa Pantawid Pamilyang Pilipino Program (Pantawid Pamilya) o 4Ps.

Dugang pa nila nga ang sayop nga impormasyon nga mikatap sa social media makadaot sa ahensya ug makamugna og kalibog.

Kini nga artikulo gihubad sa bisaya sa Mindanao Gold Star Daily gikan sa fact check sa ABS-CBN Investigative and Research Group ug gipatik kini ni adtong Disyembre 21 niaging tuiga.

 (The Mindanao Gold Star Daily is part of the more than 100 organizations online initiative from media, coalitions, civil society, business, academe, law, and the religious sector called ‘#FactsFirstPH.’ The initiative aims to collectively push for truth-telling and debunking lies through four steps: fact-checking by news organizations; networking by civil society and grassroots groups; research and analysis by academic institutions; and seeking accountability by lawyers’ groups.)