Pangangkon: “TAMA NA”, usa ka Facebook page, niangkon nga ang Kabataan Partylist (KPL) misuporta sa pagbuhi sa mandatory Reserve Officers’ Training Corps (ROTC) program sa Pilipinas.

Niadtong Agosto 24, unang gi-upload sa panid ang usa ka graphic nga adunay logo sa KPL, usa ka litrato sa usa ka batan-on nga nagpataas sa usa ka placard nga adunay nakasulat nga "YES TO MANDATORY ROTC", litrato sa mga pulis sa gawas sa House of Representatives' (HoR) South Gate, ug ang dako text nga “KABATAAN PARTYLIST SUPPORTS MANDATORY ROTC”.

Sa laing graphic, ang litrato ni KPL Rep. Raoul Manuel gibutang tupad sa usa ka kinutlo, "Oo sa mandatory ROTC." Usa ka bulag nga litrato niya ang gibutang sa background sa dihang naggunit siya og papel nga adunay teksto nga "I support Mandatory ROTC". Usa ka dako nga teksto nga mabasa "KABATAAN SUMUPORTA!" gisulat usab.

Usa ka quote, nga gipasangil ni Manuel, anaa sa caption sa post, nga nag-ingon nga ang magbabalaod nanawagan sa mga Pilipino sa pagsuporta sa ROTC.

Ang TAMA NA gimugna niadtong Oktubre 14, 2018. Sukad niadtong Agosto 30, aduna na kini 16,000 ka mga sumusunod.

MARKA: Bakak

ANG KAMATUORAN: Ang KPL ug ang representante niini wala gayuy gipagawas nga pahayag nga nagsuporta sa mandatory nga ROTC.

Ang duha ka graphic nga gi-post sa TAMA NA wala maggikan sa maong party-list group bisan pa man sa presensya sa logo niini, mga litrato, ug bisan unsang pagkaparehas sa color scheme. Ang teksto sa placard sa unang graphic giusab pa gani aron sa pagpahisalaag sa mga tumatan-aw.

Ang plakard sa orihinal nga litrato mabasa gyud: “NO TO MANDATORY ROTC”. Ang maong hulagway, nga gi-post sa KPL sa Facebook ug gipadala sa media niadtong Agosto 22, gikuha atol sa rally sa mga estudyante ug kabatan-onan atubangan sa HoR, dihang nanawagan sila sa mga magbabalaod nga pondohan ang luwas nga pag-abli pag-usab sa mga eskwelahan ug hinabang sa mga estudyante. .

Sa ilang mga pamahayag, gipabilin sa KPL ang pagsupak niini batok sa pagpabuhi sa mandatory ROTC alang sa mga estudyante.

“Inuulit namin na dagdag gastos, pabigat, panganib at abuso ang dala ng Mandatory ROTC. Magkaisa tayong isulong ang mas urgent na mga panukala tulad ng dagdag budget sa edukasyon, safe school reopening, at iba pa,” Matud pa ni Rep. Manuel miingon sa usa ka pahayag kaniadtong Agosto 17.

Ang Davao Today nihimo na kaniadto og fact check nga nagpahinumdom sa problema sa kasaysayan sa ROTC program.

Kini nga artikulo gihubad sa bisaya sa Mindanao Gold Star Daily gikan sa fact check sa Davao Today ug gipatik kini ni adtong Agusto 31 karon tuiga. Ania ang orihinal nga link: http://davaotoday.com/main/politics/fact-check-fb-page-falsely-claims-kabataan-partylist-supports-rotc-revival/

(Ang Mindanao Gold Star Daily kabahin sa kapin sa 100 ka organisasyon online nga inisyatiba gikan sa media, coalitions, civil society, business, academe, law, ug ang religious sector nga gitawag og '#FactsFirstPH.' Ang inisyatiba nagtumong sa hiniusang pagduso sa kamatuoran ug ang pag-debunking gipasukad sa upat ka lakang: pagsusi sa kamatuoran sa mga organisasyon sa balita; networking sa civil society ug grassroots groups; panukiduki ug pagtuki sa mga institusyong pang-akademiko; ug pagpangita og tulubagon sa mga grupo sa mga abogado.)