BAKAK: Ang tanang libro sa kasaysayan nga gipatik sa panahon sa administrasyong Cory Aquino pulos lang pagbutangbutang batok sa mga Marcos

Niadtong Mayo 15, ang channel sa YouTube nga "Filipino Future" mihimo og post sa ilang community tab, diin ilang giangkon nga ang tanang libro sa kasaysayan sa Pilipinas nga gipatik sa panahon sa administrasyon ni Corazon Aquino "bakak" tungod kay ang The "narrative" of the books is mostly, slanders the Marcos ug pabor sa mga Aquino.

Gipasiugda sa 'Filipino Future' nga nagpahigayon sila og fact-check sa kolumnista ug historian nga si Ambeth Ocampo tungod sa iyang artikulo sa Philippine Daily Inquirer nga naghisgot sa "importante sa mga librarya sa pagpreserbar sa mga materyal nga tinubdan mahitungod sa pagkat-on niadtong panahon sa Martial Law."

Nagpadayon ang maong post sa pag-alegar nga gilabay ug "gisunog" sa administrasyong Aquino ang tanang libro ug uban pang mga reperensya sa kasaysayan nga gisulat sa panahon sa diktaduryang Marcos, ug nagpatik ug bag-ong mga libro pabor kang Aquino ug nagmugna og dili paborableng imahe para kang Marcos Sr.

Gipasabot usab sa maong post nga ang mga dumadapig ni Ferdinand Marcos Jr. dili pagtuis sa kasaysayan aron paboran ang mga Marcos kon dili aron ipagawas ang "husto nga bersyon" sa kasaysayan nunot sa pagmaniobra sa kasaysayan ni anhing Corazon Aquino.

ANG PULONG:

Ang tanang libro sa kasaysayan nga napatik panahon sa administrasyon ni Cory Aquino pulos pagpasipala sa imahe sa mga Marcos.

MARKA: BAKAK

ANG KAMATUORAN:

Walay pruweba nga makasuporta sa akusasyon nga si Corazon Aquino ug ang iyang administrasyon nag-usab sa mga historikal nga asoy ug nagpatik sa mga alternatibong libro sa kasaysayan sa Pilipinas aron sa pagpalambo sa imahe sa iyang administrasyon ug pagdaot sa miaging administrasyon.

Sukwahi sa dungog, adunay gitaho nga mga kaso sa "historical distortion" karong bag-o. Pananglitan niini mao ang pagsaway sa Department of Education sa mga grupo nga gipangulohan ni Sen. Risa Hontiveros tungod sa pagpagawas sa duha ka textbook nga gigamit sa mga tunghaan nga giingong "nagtakuban sa kapintasan nga nahitabo panahon sa Martial Law." Sa usa ka pamahayag, si Hontiveros naghisgot nga ang textbook nga 'Pilipinas: Bansang Papaunlad' naghisgot sa kasaysayan sa nasud hangtod sa 1946 lamang ug walay mga detalye bahin sa Pilipinas sa panahon sa diktaduryang Marcos.

Sa pagtuon nga gihimo sa digital forensic researcher nga si Pauline Macaraeg, niadto pang 2011 ang mga Marcos na gyud ang nanguna sa pagpakatap sa historical distortion ug propaganda sa Internet ug bisan sa telebisyon. Ang hinimo-himo nga mga istorya sama sa Marcos pre-presidency wealth, Tallano Gold, ug Yamashita Gold, mikaylap nga walay hunong sa Internet gikan sa 2014 ngadto sa 2022. Uban sa tabang sa Marcos loyalist ug partisan nga mga panid, ang sayop nga impormasyon sa social media mitubo nga mas lig-on, ug nagtugot sa mga Marcos. nga mobalik sa gahom.

Gibutyag usab sa mga pagtuon nga si Marcos Jr. labing nakabenepisyo sa online disinformation ug fake news atol sa 2022 nga eleksyon.

NGANONG KINAHANGLAN ANG FACT CHECK:

Gipakita sa mga pagtuon nga ang paggamit sa networked propaganda, pagmaniobra sa social media, pagpakatap sa disinformation, ug pag-atake sa media ug sa oposisyon pinaagi sa red-tagging ug uban pang pagbutangbutang, nakatampo sa pagpahiuli sa pamilyang Marcos sa gahum.

Ang post aduna nay 3,100 likes, ug 262 comments sa YouTube. Ang maong channel sa YouTube adunay 372,000 subscribers, ug 180 ka videos. Ang maong channel adunay mga video nga kasagaran bahin sa mga Marcos.

Kini nga artikulo gihubad sa bisaya sa Mindanao Gold Star Daily gikan sa fact check ni Rome Medina ug Neil Dizon sa Altermidya ug gipatik kini ni adtong Agusto 8 karon tuiga. Ania ang orihinal nga link: https://www.altermidya.net/hindi-totoo-lahat-ng-mga-aklat-sa-kasaysayan-na-inilathala-sa-panahon-ng-administrasyong-cory-aquino-ay-purong-paninira-sa-mga-marcos/

(Ang Mindanao Gold Star Daily kabahin sa kapin sa 100 ka organisasyon online nga inisyatiba gikan sa media, coalitions, civil society, business, academe, law, ug ang religious sector nga gitawag og '#FactsFirstPH.' Ang inisyatiba nagtumong sa hiniusang pagduso sa kamatuoran ug ang pag-debunking gipasukad sa upat ka lakang: pagsusi sa kamatuoran sa mga organisasyon sa balita; networking sa civil society ug grassroots groups; panukiduki ug pagtuki sa mga institusyong pang-akademiko; ug pagpangita og tulubagon sa mga grupo sa mga abogado.)