Kulay pink na ang Masjid Dimaukom o 'Pink Mosque' bago pa man tumakbo si Leni Robredo sa pagkapangulo

KALANGKOBAN:

PANGANGKON: Ang pink nga pintura sa Masjid Dimaukom sa Maguindanao giingong para kang Bise Presidente ug presidential candidate Leni Robredo.

KATEGORYA: Bakak

KAMATUORAN: Pink na ang Masjid Dimaukom o “Pink Mosque” sa wala pa modagan si Robredo. Kini ang paboritong kolor sa asawa ni Dimaukom nga nagsimbolo sa gugma ug kalinaw.

NGANO KAILANGAN I-FACT-CHECK: Ang maong tsismis nakita sa usa ka post niadtong Pebrero 11 sa Facebook page nga “Sa Masa Tayo.” Sa pagsulat niini nga fact-check, ang post aduna nay kapin sa 370 ka reaksyon, 30 ka komento, ug 40 ka-shares.

MGA DETALYE:

Usa ka post niadtong Pebrero 11 gikan sa Facebook page nga “Sa Masa Tayo” niingon nga ang pink nga pintura sa Masjid Dimaukom sa Maguindanao alang kuno sa Bise Presidente ug kandidato sa pagkapresidente nga si Leni Robredo.

Matud pa sa Facebook post: “[DA CELESTINE ] PINK MOSQUE SA MAGUINDANAO! A SHOW OF STRONG SUPPORT FOR VP LENI ROBREDO AND PARTY! MARAMING SALAMAT PO! GRAPHIC CTTO.”

Sa pagsulat niini nga fact-check, ang post aduna nay kapin sa 370 ka reaksyon, 30 ka komento, ug 40 ka-shares.

Kini nga panultihon dili tinuod.

Matud pa sa opisyal nga website sa kagamhanang probinsiyal sa Maguindanao, ang Masjid Dimaukom o “Pink Mosque” gitukod sa Datu Saudi Ampatuan, Maguindanao, niadtong 2014, bisan og wala pa si Robredo modagan pagka-presidente. Dili pa sad usa ka kandidato si Robredo pagka bise presidente.

Gitukod kini ni kanhi mayor Samsodin Dimaukom. Pink ang paboritong kolor sa asawa ni Dimaukom nga nagpasabot og gugma ug kalinaw.

Pink ang kolor nga gamiton ni Robredo sa iyang kampanya pagka presidente sa 2022.

Kini nga artikulo gihubad sa bisaya sa Mindanao Gold Star Daily gikan sa fact check ni Owenh Toledo sa Rappler.com ug gipatik kini ni adtong Marso 8 karon tuiga.

(The Mindanao Gold Star Daily is part of the more than 100 organizations online initiative from media, coalitions, civil society, business, academe, law, and the religious sector called ‘#FactsFirstPH.’ The initiative aims to collectively push for truth-telling and debunking lies through four steps: fact-checking by news organizations; networking by civil society and grassroots groups; research and analysis by academic institutions; and seeking accountability by lawyers’ groups.)