PANGANGKON: Ang Philippine Daily Inquirer (PDI) giakusahan nga nagpatik og sayop nga taho bahin sa kakuwang sa mga armchair sa Jose Abad Santos High School sa Tondo, Manila, atol sa pag-abli sa klase sa mga pampublikong tunghaan niadtong Agosto 22. Ang ingon nga alegasyon gipaambit sa mga platform sa social media.
MARKA: Dili tinuod
ANG KAMATUORAN: Ang PDI news desk ug ilang beat reporter nga si Jane Bautista, nibarog sa katinuod sa taho sa tibuok klase sa mga tinun-an sa Grade 7 nga nihangyo nga molingkod sa sawog kay kulang ang mga lingkuranan sa classroom.
Ang Department of Education (DepEd) sa National Capital Region niingon nga ang tunghaan adunay "aberids nga 51 ka lingkuranan kada classroom". Elene Reyes, the school principal, also said they have enough armchairs but the teachers only “lacked the initiative” to get them.
Apan, ang PDI nag-ihap lang sa 27 ka mga lingkuranan ug 43 ka mga estudyante. Miingon sila: Gani, sa dihang gipangutana ang magtutudlo kon naa ba ang mga estudyante sa salog tungod kay kulang ang mga lingkoranan, siya miingon nga oo. Adunay laing magtutudlo nga nakabati sa maong tubag ug makapamatuod niini.
("In fact, when the teacher was asked if the students were on the floor because there were not enough chairs, she said yes. There was another teacher present who heard that answer and can attest to it").
Giklaro usab sa PDI nga wala maghisgot og “psychosocial activity” ang magtutudlo sa classroom. Giangkon sa DepEd NCR ug Manila Public Information Office (PIO) nga mao kini ang hinungdan nga gipalingkod sa salog ang mga estudyante.
Sa usa ka post sa Facebook nga natangtang na karon, gitawag sa Manila PIO nga "fake news" ang istorya sa PDI.
Sa usa ka pahayag, si Nestor Reyes, presidente sa Jose Abad Santos High School Faculty and Employees Association miingon nga ang taho sa kakulang sa armchair "dili makonsiderar nga peke nga balita" ("cannot be considered fake news").
Isa lang kini sa mga suliraning kinakaharap sa mga guro, bata, magulang, ug admin sa eskwelahan sa unang adlaw sa pasukan. Hindi lamang kini sa kasamtangan nga kahimtang kundi bisan sa mga nagdaang panuruang tuig. Mas lapad natong tan-awon ang mga suliran nga Hindi sa pagpakalat niini kay fake news,” matud niya.
(“Isa lang ito sa mga suliraning kinakaharap ng mga guro, bata, magulang, at school admin sa unang araw ng pasukan. Hindi lamang ito sa kasalukuyang kalagayan kundi kahit sa mga nagdaang panuruang taon. Mas malawak nating tingnan ang mga suliranin hindi sa pagpapakalat na ito ay fake news").
Ang National Union of Journalists of the Philippines-Metro Manila nanawagan sa mga yunit sa gobyerno nga "dili modangop sa mga paningkamot sa pagdaot sa media ug sa baylo gamiton kini nga mga taho aron mas masusi ang sitwasyon ug aksyonan."
("not to resort to efforts discrediting the media and instead use these reports to better assess the situation and take action.”)
Kini nga artikulo gihubad sa bisaya ni Dave Achondo sa Mindanao Gold Star Daily gikan sa fact check sa Davao Today ug gipatik kini ni adtong Agosto 30 karon tuiga. Ania ang orihinal nga link niini nga fact-check: http://davaotoday.com/main/politics/fact-check-allegation-that-pdi-publishes-fake-news-on-armchair-shortage-is-false/
(Ang Mindanao Gold Star Daily kabahin sa kapin sa 100 ka organisasyon online nga inisyatiba gikan sa media, coalitions, civil society, business, academe, law, ug ang religious sector nga gitawag og ‘#FactsFirstPH.’ Ang inisyatiba nagtumong sa hiniusang pagduso sa kamatuoran ug ang pag-debunking gipasukad sa upat ka lakang: pagsusi sa kamatuoran sa mga organisasyon sa balita; networking sa civil society ug grassroots groups; panukiduki ug pagtuki sa mga institusyong pang-akademiko; ug pagpangita og tulubagon sa mga grupo sa mga abogado.)
